Join Us

Call 8177880420 K Plus India News के शहर रिपोर्टर , जिल्हा रिपोर्टर, ब्यूरो चीफ, स्टेट हेड नियुक्त करना शुरू है.8177880420 K PLUS रिपोर्टर बनने के लिये संपर्क 8177880420

कुख्यात संतोष आंबेकर आणि राजा गौस कोरोनाबाधित, कारागृहातच उपचार सुरू

Responsive Ad Here
नागपूर : राज्यभर नावाजलेला कुख्यात डॉन संतोष आंबेकर आणि राजा गौस हे दोघे सध्या नागपूर मध्यवर्ती कारागृहात आहेत. तेथे दोघांनाही कोरोनाची बाधा झाली. कारागृहातीलच रुग्णालयात त्यांच्यावर उपचार सुरू आहेत. दोघेही कुख्यात कोरोना पॉझीटिव्ह आढळल्यामुळे गुन्हेगारी जगतात विविध चर्चा होत आहेत.
कारागृहातील सूत्रांनी दिलेल्या माहितीनुसार, कुख्यात डॉन संतोष आंबेकरची शहरात एकतर्फी दहशत होती. त्याच्या प्रत्येक पंटरकडे विदेशी पिस्तूल असल्याची माहिती आहे. डॉन आंबेकरने गुजरातच्या दोन व्यापाऱ्यांची पाच कोटींनी फसवणूक केली. तसेच मुंबईच्या व्यापाऱ्याला भूखंड खरेदीत गंडविले होते.तसेच इतवारीतील एका सराफा व्यापाऱ्याचे घर हडपले होते. तसेच एका 17 वर्षाच्या मुलीवर ब्युटीपार्लरमध्ये बलात्कार केला होता तर लकडगंजमधील एका डॉक्‍टर तरूणीवर सलग पाच वर्षे बलात्कार केल्याचा आरोप डॉन आंबेकरवर आहे. या सर्व गुन्ह्यांत गुन्हे शाखेचे डीसीपी गजानन राजमाने यांनी डॉन आंबेकरला अटक केली आहे. सध्या आंबेकर मध्यवर्ती कारागृहात न्यायाधीन कैदी म्हणून दाखल आहे.
मध्यवर्ती कारागृहात कोरोनाने शिरकाव केला असून आतापर्यंत 192 कैदी आणि कारागृह कर्मचारी आणि अधिकारी कोरोना बाधित झाले आहेत. यामध्ये नव्याने डॉन संतोष आंबेकर हा कोरोना बाधित झाला. तासाभरात दुसरा गॅंगस्टर राजा गौस याचाही रिपोर्ट पॉझिटीव्ह आला. कारागृहातील डॉक्‍टर्स कोरोना बाधितांच्या आरोग्याकडे लक्ष ठेवून आहेत. दोन्ही गॅंगस्टर्सला विशेष सेलमध्ये ठेवण्यात आले असून त्यांना बाहेर निघण्यास मनाई करण्यात आली. त्यांना सेलमध्ये विलीगकरणात ठेवण्यात आले आहे. राजा गौस हा 2013 पासून मध्यवर्ती कारागृहात आहे. त्याला उत्तरप्रदेशातील प्रतापगढमधून अटक करण्यात आली होती. त्याने रोशन समरित या युवकाचा खून केला होता तसेच पोलिसांवरही गोळीबार करून पळ काढला होता.