Join Us

Call 8177880420 K Plus India News के शहर रिपोर्टर , जिल्हा रिपोर्टर, ब्यूरो चीफ, स्टेट हेड नियुक्त करना शुरू है.8177880420 K PLUS रिपोर्टर बनने के लिये संपर्क 8177880420

कोरोना संसर्ग टाळण्यासाठी आ . सुलभा खोडके यांनी मांडल्या उपाययोजना

Responsive Ad Here

  व्यापारी प्रतिष्ठाने नियमित सुरु ठेवा !!  लक्षणे नसणाऱ्या बाधितांना ठेवा होम क्वारंटाईन 

अमरावती प्रतिनिधी @ राजू कलाने

 कोरोना संसर्गजन्य आजाराकरीता सुरु असलेल्या उपाययोजनांचा आढावा घेण्या संदर्भात सोमवार दिनांक २७ जुलै रोजी जिल्हाधिकारी कार्यालयात बैठक पार पडली . या बैठकीला पालकमंत्री यशोमती ठाकूर , अमरावतीच्या आमदार सौ . सुलभाताई खोडके , जिल्हाधिकारी शैलेश नवाल , मेळघाट चे आमदार राजकुमार पटेल ,जिल्हा शल्य चिकित्सक डॉ . श्यामसुंदर  निकम , मनपा आयुक्त प्रशांत रोडे, पोलीस आयुक्त संजयकुमार  बाविस्कर, जिल्हा पोलीस अधीक्षक डॉ . हरिबालाजी एन . मनपा  शहर आरोग्य अधिकारी डॉ विशाल काळे , जिल्हा आरोग्य अधिकारी डॉ . दिलीप रणमले  ,  आदी उपस्थित होते . या बैठकीमध्ये आमदार  सुलभा खोडके यांनी शहरात पी १,पी २,प्रणाली अंतर्गत सुरु असलेली व्यापारी प्रतिष्ठाने संदर्भात मुद्दा मांडला . कोरोनाच्या प्रादुर्भावामुळे जिल्हाप्रशासनाकडून सम -विषम ( ऑड अँड इव्हन )पद्धतीने शहरातील व्यापाऱ्यांना दुकाने सुरु ठेवण्यास गेल्या ५ जून पासून परवानगी दिली आहे  .परंतु या प्रणाली ला घेऊन  नागरिकांमध्ये अनभिज्ञता व संभ्रम निर्माण झाल्याने आपल्या पसंतीचे दुकाने नेमके कधी सुरु आहे , हे निश्चित नसल्याने अनेक ग्राहक हे खरेदीविनाच निराशेने परतत होते . तसेच  सम -विषम पद्धतीने दुकाने सुरु असल्याने नागरिकांची देखील वस्तू खरेदीसाठी एकक गर्दी होतांनाचे दृश्य  बघायला मिळाले . यामुळे सोशल डिस्टंसिंगचे सुद्धा उल्लंघन होत असल्याचे निदर्शनास आले . त्यामळे हि प्रणाली व्यापारी व ग्राहकांकरिता गैरसोयीची ठरू पाहत असल्याने पी १ ,पी २ ऐवजी नियमित व्यापारी प्रतिष्ठाने सुरु करण्यासंदर्भात आ.  सुलभा खोडके यांनी या बैठकीत मुद्दा उपस्थित केला . तसेच याबाबत  मागील आठवड्यात माननीय मुख्यमंत्री महोदयांनी विदर्भातील आमदारांसोबत घेतलेल्या वेबिनार मध्ये सुद्धा आ सुलभा खोडके यांनी व्यापार पूर्वपदावर आणण्यासाठी व गर्दी टाळण्यासाठी  नियमित बाजारपेठ सुरु होणे गरजेचे असल्याची बाब निदर्शनास आणून दिली होती . दरम्यान या बैठकीमध्ये जिल्हा आपत्ती व्यवस्थापन प्राधिकरणाचे अध्यक्ष तथा  जिल्हाधिकारी शैलेश नवाल यांनी  सुलभाताईंच्या मागणीबाबत  सकारात्मकता दर्शवित  लवकरच निर्णय घेऊन   कार्यवाही करणार असल्याचे सूतोवाच केले . तसेच  ज्या रुग्णांमध्ये कोरोनाची लक्षणे नाही  पण त्यांची कोरोना चाचणी पॉझिटिव्ह आली . अशा रुग्णांना डॉक्टरांच्या  सल्ल्यानुसार घरीच उपचार घेता यावा , या विषयावर देखील आ.  सुलभा खोडके यांनी बैठकीत सर्वांचे लक्ष वेधले . जे रुग्ण घरीच क्वारंटाईन  राहून स्वतःची व्यवस्था करू शकतात , त्यांच्या मागे वैद्यकीय यंत्रणा खर्च न करता त्यांना स्वतःच्या जबाबदारीवर  होम क्वारंटाईन  केल्यास  गरजू रुग्णांकडे  प्रभावीपणे लक्ष देता येईल ,अशी भूमिका आमदार महोदयांद्वारे मांडण्यात आली .   तत्पूर्वी  यासंदर्भात आ. सुलभात खोडके यांनी इंडियन मेडिकल असोशिएशन अमरावती शाखेचे अध्यक्ष डॉ . अनिल रोहणकर यांच्याशी चर्चा केली असता कोरोनाची लक्षणे नसलेल्या कोरोना पॉझिटिव्ह रुग्णाला हॉस्पिटल  क्वारंटाईन करण्या ऐवजी डॉक्टरांनी घरीच  जाऊन उपचार करता येत असल्याचे  डॉ .अनिल  रोहणकर यांचे म्हणणे आहे . तर  राज्य शासनाने देखील याबाबत परवानगी दिली असल्याचे आ. सुलभा खोडके यांनी बैठकीत स्पष्ट केले . त्यामुळे अशा रुग्णांना डॉक्टरांच्या सल्ल्यानुसारच  घरीच औषधोपचार करण्याची मुभा मिळावी ,अशी भूमिका आ. सुलभा खोडके यांनी मांडली असता जिल्हा प्रशासनाने यावर सुद्धा सकारात्मकता  दर्शवून  लवकरच निर्णय घेणार असल्याचे सांगितले . राज्य शासनाच्या मिशन बिगिन अगेन अंतर्गत अनलॉग २ चा कालावधी येत्या ३१ जुलै ला संपत आहे . राज्यात या पुढे लॉकडॉन नाही असे सूतोवाच याआधीच  मुख्यमंत्री उद्धव ठाकरे यांनी केले आहे . त्यामुळे आता १ ऑगस्ट पासून  व्यापार पूर्वपदावर आणण्यासाठी  नियमित बाजारपेठ सुरु होण्याचे संकेत असून नागरिकांना दिलासा मिळणार असल्याचे दिसत आहे .