रामचंद्र मुंदाने अमरावती जिल्हा प्रतिनिधी
प्रहार जनशक्ती पक्ष नेरपिंगळाई व स्वाभिमानी शेतकरी संघटना मोर्शी च्या वतीने विद्यार्थ्यांकरीता मोर्शी नेरपिंगळाई , मोर्शी शिरलस , तसेच खेड्यापाड्यातील बससेवा तात्काळ सुरू करण्यात यावी या मागणीचे निवेदन मोर्शी आगारप्रमुखास देण्यात आले .
गेल्या काही दिवसापासून शाळा कॉलेज सुरू झाले असून बस अभावी ग्रामीण भागातील विद्यार्थ्यांना मोर्शी येथील शाळा-कॉलेज व शिकवणी वर्गात जाण्याकरिता खूप त्रास सहन करावा लागत असून एसटी बस अभावी विद्यार्थ्यांचे शैक्षणिक नुकसान होत आहे. आतापर्यंत कोरोना महामारी च्या पार्श्वभूमीवर शाळा कॉलेज बंद असल्यामुळे विद्यार्थ्यांचे शैक्षणिक नुकसान झाले .
परंतु आता शासनाच्या आदेशान्वये टप्प्याटप्प्याने शाळा कॉलेज सुरू झाले असून . आता बस अभावी ग्रामीण भागातील विद्यार्थ्यांचे शैक्षणिक नुकसान होत आहे . त्याकरिता मोर्शी आगाराने ग्रामीण भागातील बससेवा लवकरात लवकर सुरू करावी या मागणीचे निवेदन प्रहार जनशक्ती पक्षाचे तालुकाप्रमुख व प्रहार रुग्ण समितीचे रुपेश सु गणेश , तालुकाप्रमुख युवा संघटना श्रेयस गावंडे व स्वाभिमानी शेतकरी संघटनेचे विद्यार्थी तालुकाप्रमुख वैभव फुके , आकाश भाऊ गुल्हाने , प्रहार विद्यार्थी तालुकाप्रमुख रवी परतेती , भूषण भोजने , आरती वाकेकर , आदींच्या हस्ते आगार प्रमुखास देण्यात आले.
