नाशिक येवला प्रतिनिधी माधव नेहे
संगमनेर:- तालुक्यातील सावरगावतळ येथील मोहिमाळ परिसरातील जंगलाला रविवारी दुपारच्या सुमारास अचानकपणे लागलेला वणवा युवक व महिलांच्या शर्थीचे प्रयत्नातुन मोठी वनसंपदा वाचविण्यास यश मिळाले आहे.
सावरगावतळ गावास खूप मोठी वनसंपदा लाभली असून जवळपास आठशे हेक्टर पेक्षाही अधिक क्षेत्रावर येथे दाट जंगल आहे. या जंगलात विविध प्रकारचे झाडे झुडपे याचबरोबर अनेक दुर्मिळ वनौषधी वनस्पती असून जंगली प्राणी,पशु पक्षी ,श्वापदे यांचा मोठ्या प्रमाणावर वावर आहे. गावकरी आणि वनविभाग येथे सातत्याने वृक्षारोपण करत आपली वनसंपदा अधिक संपन्न करण्याच्या प्रयत्न करत आहे
पोलीस पाटील गोरक्ष नेहे वनपाल रामदास डोंगरे, , वनरक्षक चैतन्य कासार, वनरक्षक एकनाथ राहणे शिपाई पुनाजी मेंगाळ यांची टीमही घटनास्थळी मदतीसाठी पोहचली.
दुपारीच्या वेळेत ही आग लागल्याने आणि त्यात जोराची हवा व ऊन यामुळे हा वणवा आटोक्यात आणणे खूप अवघड होत होते. परंतु गावातील या सर्व शंभर तरुणांनी,महिलांनी आणि वन अधिकारी कर्मचारी यांनी एक तासास हा वणवा पूर्णपणे आटोक्यात आणल्याने जवळपास दोन हेक्टर क्षेत्रावरील वनसंपदा जरी जळून गेली असली तरी उर्वरित वनसंपदेवरील मोठे आरिष्ठ टळले गेले.
