गणेश महाजन एरंडोल तालुका प्रतिनिधी
महाराष्ट्राचे मुख्यमंत्री व शिवसेनेचे पक्षप्रमुख मा.ना.उद्धवजी ठाकरे यांच्या वाढदिवसाचे औचित्य साधून आ. आबासाहेब चिमणरावजी पाटील यांच्या निधीतून एरंडोल शहरातील गांधीपुरा, विखरण रोड परिसर व म्हसावद रोडवरील नवीन वसाहतींमध्ये *सुमारे 2 कोटी रुपयांच्या विकास कामांचे भूमिपूजन करण्यात आले.
याप्रसंगी मनोगत व्यक्त करताना आ.आबासाहेब चिमणरावजी पाटील म्हणाले की सत्ता व पदाचा उपयोग समाजाच्या शेवटच्या घटकापर्यंत पोचविण्याचा आपण नेहमीच प्रामाणिक प्रयत्न असतो. जनतेचे आशीर्वाद व कार्यकर्त्यांचे प्रेम याच शिदोरीवर गेल्या 40 वर्षात आपण सर्व संकटांवर मात करून पुढे जात आहोत. गांधीपुरा भागात स्वातंत्र्यानंतर प्रथमच आमदार निधीच्या माध्यमातून एवढ्या मोठ्या प्रमाणात विकास कामे करताना आपल्याला विशेष आनंद होत आहे.
जनतेनेही काम करणाऱ्या लोकप्रतिनिधींच्या पाठीशी खंबीरपणे उभे राहावं तसेच आगामी नगरपरिषदेच्या निवडणुकीत शिवसेनेच्या हाती सत्ता दिल्यास मुख्यमंत्री उद्धवजी ठाकरे व नगरविकास मंत्री एकनाथजी शिंदे यांच्या माध्यमातून एरंडोल शहरासाठी सुमारे चारशे कोटींचा विकास निधी उपलब्ध करण्यासाठी आपण विशेष प्रयत्न करू अशी ग्वाही आमदार आबासाहेब चिमणराव पाटील यांनी दिली.
यावेळी पारोळा बाजार समितीचे सभापती अमोलदादा पाटील, शिवसेनेच्या महिला आघाडी जिल्हाप्रमुख महानंदाताई पाटील, माजी नगराध्यक्ष किशोर निंबाळकर, माजी नगराध्यक्ष राजेंद्र चौधरी, जिल्हा परिषद उपाध्यक्ष ज्ञानेश्वर आमले, माजी जिल्हा परिषद उपाध्यक्ष हिम्मतबापू पाटील, तालुकाप्रमुख वासुदेव पाटील, जि प सदस्य नानाभाऊ महाजन, बाजार समितीचे माजी सभापती शालिग्राम गायकवाड, पंचायत समितीचे उपसभापती अनिल महाजन, नगरसेवक कुणाल महाजन, नगरसेविका आरती महाजन, नगरसेविका दर्शना ठाकूर, नगरसेविका प्रतिभा पाटील, संजय गांधी निराधार समितीचे सदस्य आनंदा चौधरी, युवासेनेचे तालुकाप्रमुख बबलू पाटील, युवासेनेचे शहरप्रमुख अतुल महाजन, उपतालुकाप्रमुख संजय पाटील, उपतालुकाप्रमुख रवींद्र चौधरी, माजी नगरसेवक सुभाष मराठे, माजी नगरसेवक सुनील चौधरी, नगरसेवक नितीन बिर्ला, चिंतामण पाटील, विजयकुमार ठाकुर, राजेंद्र ठाकूर, सुनील मराठे, परेश बिर्ला,अमोल भावसार, चंदू जोहरी, कुणाल पाटील, कृष्णा ओतारी, देवेन पाटील, नितीन बोरसे, प्रवराज पाटील, गोविंद बिर्ला, ऋषी शिंपी आदी मान्यवर उपस्थित होते.
