शेतातील पत्री शेडला आग, दोन बैल व एक गाय भाजली

एरंडोल

एरंडोल  येथे उत्राण  म्हसावद रस्त्यावर असलेल्या अरुण नामदेव पाटील या शेतकऱ्यांच्या शेतात 30 बाय 32 चे पत्री शेड असून त्यात चारा भरला होता. व शेडला लागून गुरे बांधली होती.४ मे २०२२ बुधवार रोजी दुपारी एक वाजेच्या सुमारास अचानक आग लागल्याने एक गाय चाळीस टक्के भाजली तर दोन बैल पंधरा टक्के भाजले सारा जळाल्याने मोठे नुकसान झाले.  विजेच्या शॉर्ट सर्किटमुळे आग लागली असावी असा प्राथमिक अंदाज आहे या आगीत सुमारे एक लाख रुपयांचे नुकसान झाले आहे.

            तलाठी मोरे यांनी घटनास्थळी जाऊन पंचनामा केला दरम्यान एरंडोल नगरपालिकेची अग्निशमन गाडी व कर्मचाऱ्यांनी आगे वर तात्काळ नियंत्रण केले. वाढत्या उष्णता मानामुळे आग लागण्याच्या घटना वाढू शकतात असे जाणकारांचे मत आहे.