मलकापूर 28/8/22 येथील सालीपुरा जवळ भव्य दिव्य गुरुद्वाराचे काम पूर्णत्वात आले असून सदर गुरुद्वाराचे उद्घाटन येत्या 23 नोव्हेंबरला होणार आहे या उद्घाटन प्रसंगी संपूर्ण भारतातून येणाऱ्या सर्व भाविक भक्तांना कोणतीही कमतरता भासू देणार नाही अशी ग्वाही माजी आमदार चैनसुख संचेती यांनी गुरुद्वारा येथे घेण्यात आलेल्या बैठकीदरम्यान अध्यक्ष स्थानावरून बोलताना दिली आहे.
यावेळी सदर बैठकीला उपस्थित उपविभागीय अधिकारी मनोज देशमुख, नगर परिषदेचे मुख्य प्रशासक तहसीलदार राजेंद्र सुरळकर, आगार व्यवस्थापक दराडे, समतेच निळ वादळ सामाजिक संघटनेचे संस्थापक अध्यक्ष तथा नगरसेवक अशांत भाई वानखेडे, रमेशसिंह दादा राजपूत, पोलीस अधिकारी भोरकडे , नगरसेवक राजू पाटील, संजय काजळे, राजदेव, राजपाल, मोहन शर्मा, विजय डागा, दामोदर शर्मा, तर दिल्ली येथून बाबा सुरेंद्र सिंग जी गुरुद्वारा बांगलासाहेब दिल्ली, बाबा रवींद्र सिंगजी गुरुद्वारा, बाबा यादवेंद्र सिंगजी गुरुद्वारा सिक्कीम, बाबा बांगदेव सिंहजी गुरुद्वारा पंजाब यांची प्रमुख उपस्थिती होती.
सदर गुरुद्वाराचे उद्घाटन पंजाबचे मुख्यमंत्री भगवान सिंग मान यांच्या हस्ते होणार आहे.
सदर कार्यक्रमांमध्ये कोणतीही कमतरता भासू देणार नसण्याचे यावेळी संचेती यांनी सांगितले यावेळी आपले विचार व्यक्त करताना न.प. नगरसेवक अशांतभाई वानखेडे म्हणाले की नगरपरिषदेचे अधिकारी वर्ग सोबत घेऊन रस्ता ,लाईट ,पाण्याची कामे पूर्ण करण्याचे प्रयत्न करून आगंतुक पाव्हण्यांना लागणाऱ्या मुलभुत सुविधा पुरवली जावी याबाबतीत सर्व खबरदारी स्थानिक रहिवासीयांना घ्यावी लागणार आहे.तसेच माता महाकालीनगर,गुरूनानकनगर,भिमनगर,
